سوێندی سەرۆک‌کۆمار

کاتێک کە جەنابی پێشەوا دەوڵەتی سەربەخۆ و ”مستقل”ی کوردستانی ڕاگەیاند، دەبوایە سوێندی وەفاداری خۆی بۆ پاراستنی بەرژەوەندییەکانی نەتەوەی کورد خواردبا. لە سەر دەقی سوێندەکە تێبینی زۆر هەیە کە نیشان لە زانایی و ووشیاری سەرۆک کۆماری کوردستانن. دەقی سوێندی سەرۆک کۆماری کوردستان لە ڕۆژنامەی کوردستان، چاپی مەهاباد، ژمارەی ١٤ دا بلاو بۆتەوە. ئەم سوێنە لە درێژەی بابەتێکدا لە ژێر ناوی << ماوەی جێژنی سەربەخۆیی و استقلالی کوردستان>> لە ڕێکەوتی ١٣ی ٢ی ١٩٤٦ی زایینی بڵاو بۆوە. ڕۆژنامەی کوردستان بڵاوکەرەوەی بیری حیزبی دێمۆکراتی کوردستان بوو.

دەقی سوێندەکە:

<<ئەمن بە خودا، بە کلامی عظیمی خودا، بە نیشتمان، بە شەرافەتی ملی کورد، بە آلای مقدسی کوردستان سوێند دەخۆم کە تا آخر هەناسەی ژیانم و رژاندنی آخر تنوکی خوینم بە گیانو بە ماڵ لە ری راگرتنی سەربەخۆیی و بەرزکردنەوەی آلای کوردستاندا تی کوشم و نسبت بە رئیس جمهوری کوردستان و یەکەتی کورد و آذربایجان مطیع و وفادار بم>>.

لە ناو سیاسەتوانانی کورددا تا ئێستا تەنیا هێژا کاک دوکتوور بەرهەم صالح سوێندی پێشەوای دووپات کردۆتەوە. لە یادی دەوڵەتی جمهوری کوردستان لە ساڵی ٢٠١٢ کە لە لایەن هێژا کاک مسعود بارزانی لە هەولێری پێتەخت پێک هاتبوو، بەڕێز دوکتوور بەرهەم لە یادی پێشەوا دا سوێندی مێژوویی پێشەوای بۆ وەفاداری بەرانبەر نەتەوە و ئاڵای پیرۆزی کوردستان خوارد. فیلمەکەی لە دادێدا هەر لەم پێگەیە دەخریتە بەر چاو.

هەر بژین

سۆران کرباسیان

کۆپی ئەو ڕۆژنامەی ئاماژەی پێ کرا لە ژێرەوە دانراوە خزمەتتان.

ئەم وێنەیەی ژێرەوەش لە لاپەڕەی ژمارە ٢٩٣ی پەرتووکی ”قاضی محمد در آینە اسناد” وەرگیراوە کە لە لایەن هێژا ”بهزاد خوشحالی”یەوە نووسراوە و لە ”ایران” چاپ کرابوو.